BiliranIsland.com Staff
BiliranIsland.com
First Posted 07:56:00 05/18/2019
BILIRAN, Biliran – NAANGOL ang usa ka driver ug pito ka pasahero sa Duptours commuter van (license plate HVT 959) human kini mibangga sa pison kagabii.
Vhire slams roadroller in Biliran, Biliran, many injuredAng insidente nahitabo nga alas 09:15 kagabii sa national highway of Brgy. San Isidro, Biliran.
Nakaangkon og ginagmay nga samad sa nawong ug bun-og sa lawas mao si Windell V. Bacho, 36, taga brgy. Lib-og, siyudad sa Maasin, nagmaniho sa commuter van nga gipanag-iya sa Duptors.
Naangol ang 7 ka pasahero na si Jose A. Sidaga, 50 anyos; iyang live in partner na si Josephine l. Contapay, 42 y.o; ug ilang mga anak nga sila Jared C. Sidaya, 5 anyos ug Jade C. Edaniel, 13 y.o., tanan residente sa Brgy. San Juan, lungsod sa Naval.
Naangol usab sila Conchiga D. Villato, 51 anyos, ug ang iyang bana na si Eduardo S. Villato, residente sa Sitio riverside, Brgy. Caraycaray, Naval, ug si Regan C. Mercader, brgy. konsehal sa Iyusan, lungsod sa Almeria.
Matud sa driver nga gikan sila ug Tacloban, ang driver nga nakaidlip kuno siya hinungdan sa pagka bangga sa pison.
Ang ekipo nakaparada daplin sa dan tungod sa nagpadayon nga road widening sa dapit, ubos sa proyekto sa DPWH Biliran.
Nagtinabangay ang NAVRU, BFP Biliran, RHU Biliran ug ang PNP Biliran pag salbar sa insidente ug dali nga gidala ang mga biktima sa Biliran Provincial Hospital. – BiliranIsland.com
The post Van ningbangga sa pison, drayber ug 7 ka pasahero naangol appeared first on Biliran Blogs.